U symbood montri rangbah ka jylla, u Prestone Tynsong ynne da booh mooyurim u wow chna ya ka Poultry Farm hapoh ka National Livestock Mission (NLM) ha ka yalang wa man ha Mawryngkneng, East Khasi Hills.
Ha kani ka sngi da emlang u Pyniaid Sing Syiem, uwa man u MDC kamjooh leh u Chairman ka KHADC wa ki sahep na ka Animal Husbandry & Veterinary Department.
U Prestone hawa e yei klam da ban joor u yei emkaam wow pyndap pynda-i ya-i hi deiwa ong wa ka sorkar yaleh ko wow thooh laad wow yarap pynku ya i rukom im ki warep ha ka jylla.
Da ong u wa ka Poultry Mission daw pynkrehkaam noh ya ka ha ka jylla deiwa kyntu ya ki paidbah wow chimkabu ki na ka deiwa ong leh wa kani ka Farm ha Mawryngkneng daw yarap ko wow pynkylla ya ka kam kawi na ki Farming Hub ha East Khasi Hills District.
Hadien ini, da booh mooyurim leh wow chna pynku kyrdan ya ka Stockman Centre kam ka Veterinary Dispensary ha Sohryngkham deiwa chim ram na ka NABARD.
U Prestone heini da ong u wa kani ka Dispensary ymtoh du wow man ko kam ka thaw e dawai namo sumaar mrad tangwa daw man ko leh kam ka thaw wow yoh yutip heiyatoh wa i khih i kreh deiwa kyntu ya ki paidbah wow wan cha kani ka Veterinary Dispensary.
