Booh thong ka sorkar MDA wow pyndep noh ya ka Yung Dorbar Chna Aiñ

Jowai: U Symbood Lamphang wa thymme ka Yung Dorbar chna aiñ ka jylla, u Timothy D Shira da pyntip u wa da booh thong wow pyrchang pyndep noh ya ka Yung Dorbar wa thymme hapoh kani ka samoi wa katni.

Hawa yaklam wa kiwa pathai khubor ynne ka sngi, u Timothy da ong u wow pyrchang wow pyntikna wow pyndep noh ya ka Yung Dorbar hapoh kani ka samoi, hadien wa ka yung dorbar da chah baam lut ko ha i diñ ha u snem 2001.

Katkam wa ong u Timothy, ka Assembly da ekti ko ha ka PWD wei daw khut tender biang hadien wa da pyndam noh ya kawa rim neidaw wym yahaap de wa i mang poisa.

Da ong u wa waroh iwa emkaam nadooh i dro pynwandur, u neh bait i kamjooh kam nachwa tangwa iwa thymme won toh wow khut ya ka Tender katkam wa da mang poisa.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ka Yung Dorbar Chna aiñ ka Meghalaya da sahkut ko khlem ye u pyndep nadooh wa chah baam ko ha i diñ ha u snem 2001.

Hanlada neipor cheipor ka sorkar da rai ko wow chna ya ka, tangwa ymye u leh iwon iwon hadooh kini ki sngi wei da sah bait ko kamtu.