Booh u Dr. Mukul ya u moo-yurim wow chna ya ka Pine Mount International School

Tura: Ynnin ka sngi u montri rangbah ka jylla u Dr. Mukul Sangma da booh u ya u moo-yurim wow chna ya ka Pine Mount International School ha Doldegre wa em hajan ka chnong Tura hei emlang u MLA ka Tura North u Noverfield Marak, u West Garo Hills Deputy Commissioner u Ram Singh, SP, Tura Dr. M.G.Raghavendra Kumar, u President ka Nokma Council, u S.G. Momin wa kiwi kiwi.

Ha kani ka sngi u Dr. Mukul da saam u leh ya ki Tablet cha ki khynnah class XI wa XII hapoh yong ka Students’ Digital Learning Aid Scheme.

Hei klam kam u kongsan u Dr. Mukul da pynsñiaw u yei mynsien wa kmen hawa yoh u booh ya uni u moo-yurim heiwa i kaam wow chna ya kani ka skur da man i iwa sahteiñ da slem bha kattu.

Da pyntip u wa kani ka skur ym man ko kam ka Pine Mount School kawa em ha Shillong, tangwa kani ka Pine Mount International u man ko ka skur ka wow em khynnah chynrang wa kynthai. Da e khublei u leh ya u Nokma ka Doldegre A’king wa kiwa ha yung ha sem kiwa da e sñiawbha ya ini i thaw wow chna ya kani ka skur.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ya kam kini ki skur kawi daw em ko ha ri-loom Khasi ka wi ha ri-loom Garo ka wi wa sa ka wi won ha ri-loom Jaiñtia hajrong ka thong wow kyntu kynrong ya i stat i tip hapoh ka jylla hi waroh kawi.

Hei yatoh wa ki Tablet nawon u Dr. Mukul da ong u wa kini daw yarap bha ki ya ki khynnah, heiwa da ong u leh wa kani ka scheme da sdang ya ka ha u snem 2013-14 wei ym em u ye u pteiñ ya ka ha u 2016-17 neidaw wym em poisa.

Chwa ini u Deputy Commissioner ka District u Ram Singh da e u ya ki kyntien pdiang burom.