U Superintendent of Police (City), Shillong, u Herbert Kharkongor da khana u wa kiwa boon na kiwa tooh wa lute kiwa da yoh kem na nongbah Shillong toh ki wym em yung em sem.
Hawa pdiang yei roi ki kaam tooh wa ki kaam lute ha Shillong, u SP da ong u wa hadooh kattæ ym em ka kynja seiñ kiwa tooh tangwa kiwa leh yeini i kaam man ki ki wym em yung næ kiwa ha-yung ha-sem wa kiwa da kyrni hei pynemkaam drugs.
Da pynrap u deiwa ong wa ki pulit ka nongbah Shillong da yakhun bor bah ki wei wow kdong ya kini ki damok kiwa da pynsyier ya ki paidbah.
Da ong u wa ki pulit da kem ki boon ngut ki bru kiwa emkti wow tooh ha Shillong, wei ha ka takit da chem wa kini ki damok toh ki wym em yung em sem, deiwa pynsñiaw leh wa em kiwa tooh neiwa da chah kdoh chah khoom hei pynemkaam drugs.
Hawa kubur leh wa em ki ujor ki wym em yoh wow kem ya kiwa emkti, u Herbert da ong u wa ki pulit ym em chong kli kit ki hawa yoh ujor, tangwa dang pteiñ ki wow booddien.
Da ong u leh wa neiliang ki pulit da pyrchang ki wow pynwiar ya kini ki kaam deiwa lai leh Patrolling heipor miet, heiwa du ynne i step synyaaw da yoh wow kem ya uwi uwa tooh.
Ha kawi won ka liang, uni u heh pulit da kyntu u ya ki paidbah wow pynkhlan ki wow booh ya ki CCTV wei kamjooh ya ki paidbah wa ki chnong ki thaw u man ki kiwa syndong wow yada na ki kaam damok.
Discussion about this post