Ka seiñ MPUF-Laskeiñ Block Circle hadien wa lai pait ko ya u sarok Raliang-Nongkynrih hadooh Laskeiñ heiwa da chem yei wym em biang i rukom chna, da lai yachem ko wa u Executive Engineer ka PWD-North Division ha ka 1 tarik uni u bnai.
Ha ini i yachem wa u EE ka PWD da dawa wow lai syllilang namo wow pynman ya ka Joint Inspection ya uni u sarok.
Kamtæ ynne ka sngi ka 8 tarik chirup i emlang ki sahep ka PWD da lai pait sylli ya uni u sarok na Raliang hadooh Laskeiñ.
Neiliang ka seiñ da ong ko wa uni u sarok toh uwa haap hapoh ka PWD (Shangpung) North Division wei heipor wa sylli da chem chiboon i duna wei i kreh khalær u Contractor ya uni u sarok heiwa deiwa pynemkaam dei kti leh da ye wow khloh yei psiang.
Heijooh i por da ong wa neiliang u EE ka North Division da phah u ya u Contractor wow chna pynmiat ya uni u sarok wei lym kamtæ ka seiñ u tia ko chaphrang yei kaam wow chem yeiwa sakhiat.
Discussion about this post