Ar tylli ki kot chaphang ka Meghalaya kawi wa tip kam ka “The Tunes of Kongthong” wa thoh da u Auswyn Winter Japang wei da dro dur da u P. Mario K. Pathaw wa kawi won wa tip kam ka “When a Huro Sings,” wa thoh da u Nandan Joshi wei da dro dur da u Imlijungshi Ltr da chah jied ki ha ka NBT (National Book Trust) Exhibit wow pynyoo ki ha Bologna Book Fair kawa da pynman ha Italy ha u bnai wa dep.
Kini ki kot kiwa man kam chibynta ka Forgotten Folklore Project da lai rah ki da ka Sauramandala Foundation, kawa man kam ka seiñ kawa kreh yow pynwandur ya ki parom tynre deiwa emlang ki dur ki dar deiwa pynemkaam da ka Public-Problem-Solving Framework kawa tip kam ka Centre for Accelerated Development (CFAD).
Kani ka Bologna Book Fair toh kawa pynman chisien chi snem yow pynyoo ya ki kot neibynta ki khynnah kiwa na kylleiñ ka pyrthai. Wei i chah jied ka “The Tunes of Kongthong” waka “When a Huro Sings” da ka National Book Trust Exhibit da pynyoo yei miat yei pynkhreh ya kini ki kot kamjooh yow pynyoo pyrthai yei dustur riti ka Meghalaya.
Hapoh ka The Forgotten Folklore Project (TFFP) ka thong toh wow khana ya ki khynnah chaphang ka dustur riti ka Meghalaya nadooh dang khian ki wei da dep pynkhreh 45 tylli ki kot heitæ i rukom wa ki khynnah u suk wei ka’it ki u puræ deiwa emlang ki dur ki dar.
Discussion about this post