Cha ka JHADC chah ujor u Dolloi ka Elaka Rymbai

Jowai: U Dolloi ka Elaka Rymbai u Elios Swer da chah ujor u ha kani ka 16 tarik heiwa da pynbaad wa da leh chiliang khmat u hei yatoh wa ki kaam chnong hapoh Ladrymbai Dongwah.

Ha ka dorkhat wa e cha u Executive Member ka Political Department da ong wa katkam wa man, kiwa chong chnong hapoh ka chnong da pyntip ki cha oo wa da thung chipor ya u waheh chnong (Acting Waheh Chnong) chipor tangwa u Dolloi da kyntait u yeini i rai  ka chnong.

Ka chnong da ong ko wa neiliang ka Committee ka chnong da jied ko ya u Acting Waheh Chnong wow pait wow yoo yei bha i miat ka chnong kat wympu yoh u jied ya u Waheh Chnong wa pura.

Ya kani ka rai da mynjur lang da ka Committee Chnong kawa katkam ka aiñ ka dustur chnong da phah ya kani ka rai cha u Dolloi ka Elaka tangwa neiliang yong oo ym bien u wow pynskem yeini iwa da pynsñiawsih ya kiwa chong chnong.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

“Ini i tyngkheiñ ya ka aiñ da man i kam iwa yoobeiñ wei lehbeiñ u ya ka rai ka Dorbar Chnong” da ong ka dorkhat.

Neiliang ka Committee ka chnong da ong ko wa ini i leh u Dolloi da tyngkheiñ u ya ka aiñ yong ka JHADC wei da kyntu ko wow pynchitom ya oo.

Ya kani ka dorkhat da soi pyrtuid da u Marshall Biam na Lad Rymbai Dongwah.