theme-sticky-logo-alt
theme-logo-alt
Advertisement ad1
Advertisement ad1

Cha ka yung bichaar u lai ka KHADC yow pynsangeh yaka soskular pynbait pood

Advertisement ad1
Advertisement ad1
Advertisement ad1

Ka Khasi Hills Autonomous District Council (KHADC) ynne ka sngi da rai ko wow lai cha ka yung Kachari yow pyrchah ya ka soskular MoU wa da ya soi hapyrdi ka Meghalaya waka Assam yow pynbait ya ki 6 tylli ki thaw wa em i ya kajia pood na ki 12 tylli ki thaw.

U Montri Rangbah ka jylla, u Conrad Sangma da soi u ya kani ka MoU wa u Montri Rangbah ka Assam, u Himanta Biswa Sarma yow pynbait ya u pood iwa da sah la 50 snem uwa jrong 885 Km hapyrdi kini ki ar jylla.

Advertisement ad1

Heijooh i por, ka Council da thung ko leh da ka Boundary Coordination Committee kawa daw khlieh da u Executive Member wa pait ya ki Elaka, u Jambor War yow pynkhreh u ya ka bui (Report) hajrong kani ka MoU chwa wow lai chakhmat cha ka yung bichaar hajrong kani ka pynbait pood.

Kiwi de ki dkhot ka Coordination Committee kynthup ko ya uwa yahkhmat ka Liang Pyrchah, u Pynshngain N. Syiem deilang wa kiwa mihkhmat ki 5 tylli ki Hima kiwa chah ktah ha kani ka MoU wa kynthup ya ka Hima Jirang, Hima Nongspung, Hima Mylliem, Hima Jyrngam wa Hima Nonglang.

U Jambor War da ong u wa kawi naka yurim wa ka Council u lai choh dwar ko ha ka Kachari toh yow pait ya u pood katkam ka Khasi States deiwa kdaw ya ka aiñ Assam Reorganization Act 1965, deiwa ong wa u pood toh u man ko katkam wa da kdaw hapoh ka Sixth Schedule.

Katkam wa ong u, ka aiñ North East Reorganization Act 1971 da ong ko leh u pood neibynta ka jylla thymme Meghalaya toh u man ko katkam ka Section 3 ka aiñ Assam Reorganization Act.

Uwi won u dkhot kani ka Boundary Committee toh u Nominated MDC, u Bindo Lanong uwa da ong wa waroh daw sangeh manda poi ini i kaam hapoh ka yung bichaar deiwa ong wa daw yakhun yow yoh biang ya ki thaw wa da e cha ka Assam katkam ka MoU. Da ong u leh wa kani ka MoU ym toh kawa katkam wa da tyrwa da ka KHADC

Chooh chooh da ong u wa boon bha ki yong u warim wajah kiwa da em parom ym em da chim lang ki hawa soi ya kani ka soskular, neibhah ka District Council toh kawa tip ya ini yong u warim wa jah wei ini toh i daw wa da mih i pyrchah na ki paidbah.

Share this:
Previous

Da pynman ya ka Annual Meeting ka Seiñkur Suchiang 

Next

Wa da mahajon ki Dhar ya u Vincent te thooh daw u kam u khynnah: Prestone