Jowai: Ka seiñ Hynñiewtrep Student Union (HSU) Seiñ Bei da sakhi ko da i khmat yei kreh habra ka Dhar Construction Company ya u sarok Jowai Bypass wa dang wai thymme uwa lai lyngba ka Thadlaskein-Khliehtyrshi-Mihmyntdu hadooh Soomer.
Ha ka khubor wa phah da u president ka seiñ u Kyrshan Rymbai da ong wa neiliang ka seiñ da yoh ko ya ka jubab lyngba ka RTI naka yungkrehkaam yong u Executive Engineer PWD (Jowai Central Division) kawa da kdaw che wa ya katai ka kaam da e cha ka M/s Dhar Construction Company Demseiniong, Shillong hei dor T. 4661.00 Lak wei i jrong u sarok man i 7.997 Km wei ya ka tarik wow pyndep toh ha ka 31.12.2016.
Hadien wa ka seiñ da yoh jubab ko ya ka RTI da li hiar ki wow li sylli ya u tai u sarok wei da chem ko wa da sdang jæd sdang pra u du hapoh ar bnai donhi.
Ka seiñ leh da ong ko wa ini ym toh i sien wa nyngkong wa da chem ko wa ka Dhar Construction Company da kreh tangdep ko ya ki sarok wei kani ka company toh ka yong u paiu u montri ka sorkar MUA-II u Sniawbhalang Dhar.
Hajrong ini i chem yei leh kani ka company ka seiñ da dep pynkhreh ko wow ujor cha ka tnat Ministry of Road Department And Highway New Delhi kamjooh leh cha u Montri Rangbah ka ri u Narendra Modi wow tuklar heiyatoh wa ini iwa da pynsepai ya ka poisa ka sorkar.
Discussion about this post