Ki bru ka MeECL deilang wa ki dkhot ka Khasi Students’ Union (KSU) Laban Circle da lai ah ki ya palat 80 tylli ki Meter pyndait bordiñ wa pyrchah aiñ kiwa man ki yong kiwa sah ha Maxwelton Estate, Laban, Shillong.
Hawa yaklam wa kiwa toh khubor, neiliang u Jason Laloo, General Secretary ka KSU Laban Unit da ong u wa ynnin ka sngi da dep e dorkhat ki ha u Director of MePDCL deiwa ong wa kini ki bru kammon da yoh bordiñ ki neibhah tang ki kot ki sla leh ym em ki wei wot ka chnong leh ym tip ko ya ki.
Kamtæ ynne neiliang ka chnat bordiñ da phah bru ko yow lai pait yeini heiwa da chem palat 80 tylli ki yung toh kiwa em Meter bordiñ pyrchah yaka aiñ wei da em 27 tylli kiwa em Meter bordiñ wa man katkam ka aiñ.
Na kini won ki 27 tylli ki Meter, 7 tylli toh ki Prepaid Meter wei da chem palat 17 tylli ki Sub-Meter.
Ka seiñ da kylli ko leh wa kammon da pyndait ya kini ki Prepaid Meter hapoh ka Meghalaya State Electricity Regulatory Commission 2018 khlem da yohbor naka Dorbar Chnong.
Kamtæ da ong wa ini i pyndait ya kini ki 7 tylli ki Meter man i pyrchah yaka aiñ khlem da yohbor næ yoh NOC.
Discussion about this post