Ynne ka sngi ha ka Dorbar Mang Tangka, u CEM ka JHADC, u Thombor Shiwat da ong u wa i phiah thymme namo ka Delimitation ya ki Constituency toh khnang wow yoh myntoi salonsar ki paidbah hapoh ki Constituency.
Ya ini da ong u hawa jubab yeiwa kylli u MDC ka Jowai Central, u Andrew Shullai yei daw wa chna ya ka Delimitation Committee heiwa i jubab wa yoh u toh wow pynsuk ya i krehkaam ka Council wei wow pynbait ya i yaphær heiyatoh i em kiwa thap Vote ha kawi pa kawi ka Constituency.
U Thombor da ong u leh wa da antaad wow em kamwa 10,000-11,000 ngut kiwa thap Vote ha kawi ka Constituency wei i yaphær ymtoh u tam i ya 1000-2000 ngut.
U Andrew da ong u leh wa man iwa sñiawsih wow yoo wa chwa wow rai khaddooh ka Committee ya i phiah ya ki Constituency da em i lait ki pyrtuid ki chnong ki wow mih wei psiah hapoh ki Constituency.
Hajrong kani ka phang u MDC ka Jowai North, u Brightstar Chyrmang da kyntu u wa ka Committee hawa phiah næ pynmiat ko ya ka Constituency emkaam wow leh deiwa bha wei deiwa khooid.
Discussion about this post