Chah beiñ uwa lehke Wrestling ka ri hadien wa yieñ u hajrong ka lama ka India

Uwa yalehke Wrestling ka India, u Bajrang Punia da chah beiñ u hadien wa poor i Video wa yieñ u hajrong ka lama ka ri heipor wa pdiang u ya ka Vinesh Phogat ha Indira Gandhi International Airport, New Delhi ynne ka sngi.

Da pdiang ya ka Vinesh Phogat ha Delhi Airport na Paris Olympics hadien wa ka Court of Arbitration for Sports (CAS) da kyntait ko ya ka ujor yong ka heiyatoh wa i chah Disqualify ko na i yakhun Takma Ksiar.

Ya ka Vinesh Phogat da wan pdiang leh da ki para wa lehke Wrestling kam ka Sakshi Malik wa u Bajrang Punia ha Airport wei heitæ da yoo wa u Bajrang wa yieñ u hajrong ka Banner wa em ka lama ka ri deiwa yalang kiwa thoh khubor kiwa kwah wow yaklam wa ka Vinesh.

Hadien wa poor ini i Video, kiwa boon da beiñ ki ya u Bajrang deiwa ong wa ini pynyoo wym em u burom u ya ka lama ka ri wei man iwa yoo sarom.