Jowai: Ynne ka sngi kamwa 10 ngut ki dkhot ka Khasi Students Union (KSU) da chah hajir ki ha ki pulit ka East Khasi Hills hajrong i kaam wa yatoh wa i chah pakhot Petrol Bomb ka yung krehkaam ka BJP ha Shillong.
Kini ki dkhot da lai hajir ki hakhmat u Investigation Officer (IO) kani ka kaam u SI MN Sangma ha Sadar Police Station wei da synraan ya ki da kiwa yahkhmat ka seiñ.
Kam wow pynkynmoo heini ka yung krehkaam ka BJP da chah pakhot petrol bomb ko ha ka 6 tarik uni u bnai.
U General Secretary ka KSU u Donald V Thabah da beiñ u ya ki pulit kiwa da phah hajir ya ki dkhot ka seiñ khlem em ki sabut deiwa pynrap wa ki bor ka aiñ ymtoh u pynchitom ki ya ki dkhot iwa daw pynchrai won ya ki.
Da ong u wa ini ymtoh ka sien wa nyngkon wa chah phareb ki dkhot ka seiñ wei boonsien hi kiwa chah kem ymtoh ki dkhot ka seiñ.
Also Read:Chah pakhot petrol bomb ka yung krehkaam ka BJP ha Shillong
Discussion about this post