June 7, 2018

Chah hiar thma ka CRPF Camp ha Mawlai hadooh wa mynsoo 5 ngut

Advertisement ad1

Shillong: U Pramod Kumar, Commander F Coy, 67Bn. CRPF, Camp Mawlai Bridge, Shillong da ujor wa ha ka miet ka 3 tarik uni u bnai wa ha ka 4 tarik i miet kamwa 400 ngut ki bru da wan hiar thma ki ka kani ka CRPF Camp.

Ki paidbah da pakhot ki da ki Petrol Bomb da siat ki da wa watur heiwa da mynsoo 5 ngut ki CRPF u ASI K C Daloi, Const. Kairappa, Const. Tarapat Roy, Const. Indramani wa u Const K Deka.

Advertisement ad1

Yow beh ya ki paidbah, ki CRPF da siat ki 18 kuli ki 7.62mm x 39mm ammunition, 19 tylli ki Long Range Shells, 5 tylli ki Stun Shell, 49 tylli ki Rubber Bullets, 9 tylli ki Stun Grenade wa 10 tylli ki Tear Smoke Grenades.

Ki CRPF da yoh ki leh u kem ya u Harlon Disiar (44 snem) na Mawlai, Wahumkhrah, Shillong wei da e kti ya oo cha Lumdiengjri PS.

Ha chwa ini ha ka 2 tarik u Pramod Kumar, Commander F Coy, 67Bn. CRPF, Camp Mawlai Bridge, Shillong da ujor wa heipor 10 waje i miet da em 5-6 ngut ki bru wa pakhot Petrol Bomb ha kani ka CRPF Camp wei da yut ki hadien wa leh ki ya ini i kaam.