15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Chah hikai ki bru ha Shangpung hajrong i wow chna kpieñ chna sahchkoor da ki chken ki siej

0 Comments
Advertisement ad1

Jowai: Ka e sikai wa 25 sngi hajrong wa kammon u chna ya ki kpieñ ki sahchkoor ki khadu ki clip wa kiwi kiwi naki chken ki siej ha chnong Shangpung wada pynman da ka yungkrehkaam u General Manager ka District Commerce & Industries Centre West Jaiñtia chirup i krehlang waka Company yong ka Neera Sarmah kawa tip kam ka Neera Creation na Tezpur Assam, dapoi ko chawa kut ha kani ka 4 tarik uni u bnai ha Community Hall Pohshnong, Shangpung.

Ha kani ka e sikai da jied ya kitu ki bru wada emsap hei thaiñ khoh thaiñ mura, khnang wa neini i thaiñ u man leh ka laad kamai ya ki paaid nongkyndong.

Dawan ya chimbynta kamwa 25 ngut ki bru naki chnong waphær waphær wa kynthup na Shangpung, Mukha Ialong, Kyndong Tuber, Mowtyrchiah wa kiwi heiwa yei sikai da e daka Neera Sharma kawa man kam ka Designer.

Ha kani ka sngi pynkut da wan emlang u Deputy Commissioner ka West Jaiñtia Hills u R. Rapthap kam u kongsan, hei emlang u waheh chnong u T. Suchiang, ka S.E. Kharpran Incharge Functional Manager haka yalang wa pynlai da u P. Toi, General Manager District Commerce & Industries Centre West Jaiñtia.

Neiliang kiwa chah sikai wa kynthup ya ka Fully Niang, ka Aroma Iakai wa u Sammaia Lytep hei klam yong ki pynsñiaw ki i sñiawngooh wa lyngba kani ka e sikai da yoh ki chiboon i myntoi wow yarap ya ka mynried yong ki lada pynemkaam hok ya ka neibhah i stat chisien wada yoh ya ka ym em de wa ye u thied namo u dai.

U kongsan u R. Rapthap hawa e u yei klam da ong u wa lada ekti sakhiat i ya i hi heiwon iwon i kaam wa i leh i natlor wow em i raikut, i kreh chitom wym em kawon kawon leh ka wym ye i u jop.

Ha kani ka sngi naka liang u DC da sam haroh u ya ki Certificate cha ki 25 ngut wa ya chimbynta.

Advertisement ad1

0 Comments

Leave a Reply