Ka IIM Shillong da pdiang ko ya ka 13th Batch ka Doctoral Program (Residential) Batch u 2025 deilang ka 18th Batch ka Post Graduate Program in Management (PGP 2025–27) ha ka yalang wa da pynman ha ka 16 tarik uni u bnai hapoh kani hi ka thaw puræ.
Neibynta ka Doctoral Program (Residential) Batch u 2025 da em 5 ngut ki Scholar kiwa da wan na ki 5 tylli ki jylla ka India wei waroh kini ymtoh kiwa lai puræ Engineering kiwa 60% ki chynrang wa wa 40% ki kynthai kiwa em i rta wa da kheiñ kyllumlang 25.6 snem. I jied ya kiwa yoh u lai pyndep ya ka kani ka Doctoral Program toh kiwa da leh ar kylla heiwa da pynman ki Personal Interview ha Mumbai, Bengaluru, Hyderabad, Delhi wa Kolkata.
Ha ka Post Graduate Program (PGP 2025–27) won da jied 405 ngut na ki palat 2.3 lak ngut kiwa kwah wow lai puræ ha IIM Shillong hadien wa pyndep ya ka CAT 2024. Kini kiwa chah jied da em ki 58% ki chynrang wa 42% ki kynthai, heiwa 46% toh kiwa da pyndep Engineering katwa 54% won toh ki wym em puræ Engineering.
Deiwa kheiñ kyllumlang yei rta ki da em ki 25.2 snem heiwa 72% toh kiwa da jooh kreh kamwa chi snem wa le snem. Kini waroh toh kiwa da wan na 22 tylli ki jylla wa 4 tylli ki Union Territory ka ri.
Discussion about this post