Shillong: Ka sorkar Meghalaya ynne ka sngi da rai ko wow chah ya kitu ki khynroo khyllood wa liwan dang ini wow lai thoh ki yaki Exam cha ki thaw puræ, kini toh kiwa puræ cha baar wei em leh kiwa dang pyndep ya ki Quarantine.
U Prestone Tynsong uwa man u Symbood Montri Rangbah ka jylla, da pyntip u wa em kiwa da kyrpaad naka sorkar wow pynlait ya ki wow lai thoh ya ki Exam cha ki thaw puræ kiwa em cha baar jylla wow pyntip neiliang ka sorkar wa da pynlait ya kitu ki khynroo wow lai yakhun ya ki Exam yong ki ha kylleiñ ki bynta ka ri India.
Hawa kylli, da ong u wa ya katni kiwa pynsñiaw yei emkaam em ki du kattu katni ngut, wei ye u man wa daw em chooh chooh wei ka sorkar daw pynbait ko kammon u phah biang ya ki cha ki thaw puræ.
Discussion about this post