Ynne i janmiet heipor kamwa 7:15, i yung wa sah ka MLA ka East Shillong, ka Ampareen Lyngdoh da chah dat chah kawang moo i ha uwi u bru uwa da rah lang wa kawi ka wait, tangwa da embhah wa ha ini i jia chah hiar thma ym em kiwa mynsoo.
Mar ya tip yeini, neiliang u Superintendent of Police ka East Khasi Hills deilang wa ki pulit da lai ki wut-wut cha yung ka Ampareen kawa man leh ka Montri sorkar hapoh ka sorkar jylla.
Katkam wa khana u SP, u Sylvester Nongtnger, ki pulit da kem noh ki ya uwi u bru wa emkti ha ini i thombor yei yung ka Montri wei da kawang u kamwa 3-4 tylli ki moo.
Da khana u wa ya uni u bru da yoh wow ksoh chwa da ki tre yung chwa wow poi ki pulit wei kattæ da phah leh ya ka Medical Check-up wei ka takit dang lai ko chakhmat.
