Ki pulit da kem ki ya ki san ngut ki bru hadien wa noh ki ya i doh masi hajan ka Kali Mandir ha Goalpara District ka jylla Assam wei ya ini da pyntikna da u Chief Minister ka Assam, u Himanta Biswa heiwa da pyntip u wa ya kini ki bru da kem da ki pulit ka Lakhipur Police Station.
Ya kini ki san ngut da tipmit kam u Bodir Ali (57 snem), u Hazarat Ali (58 snem), u Tara Mia (36 snem), u Shajamal Mia (42 snem) wa u Jahangir Alom (32 snem) kiwa waroh toh kiwa chong chnong ka Ward No.10, Khakilamari, Lakhipur.
U Himanta Biswa Sarma da ong u wa ya kini ki bru da kem hadien wa noh ki yei doh masi hajan ka Mandir dei thmu wow pynthut yei chongsuk hadien ka Eid-ul-Zuha.
Ini i noh ki yei doh masi da jia i ha ka 14 tarik heiwa da chem yei doh masi hajan ka Mali Mandir ha Lakhipur.
Kam wow pynkynmoo wa u Himanta ha ka tayaaw wa dep da e bor u ya ki pulit wow siat naphang ya kiwon kiwon ki bru wa wanrah yei sñiaw yaphær niam hadien wa em ki bru wa lai booh dei khlieh masi ha ka Hanuman Mandir wa em ha Dhubri heipor wa em ka Eid ki Muslim.
Discussion about this post