Chah kem ar ngut kiwa yarap ya ka HNLC | Kiwa sooh buit chna Bomb IED

Ki pulit ka Ri-Bhoi District da pyntip ki wa u Benjamin Sohtun (35) uwa na Pahamlapong, Nongpoh da emkti u wow pynbiej ya ki khynroo wow psiah cha ka HNLC deiwa pynemkaam ya ka Social Media.

Kamtæ ki pulit ka Ri-Bhoi DEF wa ka Anti-Terrorism Squad da kem ki ya u Benjamin Sohtun ha ka 23 tarik uni u bnai.

Hawa pynman ya ka takit da chem boon ki sabut na u Benjamin.

Deiwa takit ya u Benjamin da kem sa ya u Jenesis Sohkhwai (23 snem) uwa na Umsohbar, Ri-Bhoi District ha ka 26 tarik uni hi bnai wei kini ki ar ngut toh kiwa da sooh buit wow chna ya u Bomb IED (Improvised Explosive Device).

Related posts

Da pynkha ya ka Rymbai Circle ka Seiñ Kur Dkhar

March 21, 2026

Wai ka Kotak Life ya ka Office wa nyngkong ha Jaiñtia Hills kawa em ha Khliehtyrchi

March 21, 2026

Ya ki ar ngut da pynngat ha ka Case hapoh ka Nongpoh PS hapoh ki kyndon 113(3)/147/148 ka BNS.

Katkam wa man katni i takit dang lai i chaphrang yow chem kiyi de kiwa emkti wa u Benjamin.