Heiyatoh wa i chah dung uwi u khynroo hajan ka Hotel Pegasus, Khyndailad Shillong, ki pulit da yoh ki wow kem ya uwi u bru uwa da jied wow im noh kam ka kynthai (Transgender) uwa na Shillong heiwa da kem ya ka ynnin i janmiet ka 23 tarik.
Kani kawa chah kem toh kawa 24 snem i rta wei da lai rah ya ka cha yung bichaar ynne i janmiet.
Kam wow pynkynmoo wa u Zecharaiah Sohthiang (25 snem) da chah dung u hei miet ka 18 tarik heiwa ya ka FIR da e da kiwa ha-yung uni uwa chah dung ha ka 20 tarik ha Sadar Police Station, Shillong.
U Superintendent of Police ka EKH, u Sylvester Nongtnger da pyntip u wa hadien wa de ye u tipmit ya kani kawa emkti da kem ya ka na Khyndailad hi.
Da pyntip u leh wa ka tari khian (Pen Knife) wa da pynemkaam wow dung ya u Zecharaiah da chem ki ka.
Puræ leh: Chah dung uwi ha ka kynthai ha Shillong