Ynnin i miet ka 11 tarik, ki pulit da yoh ki wow kem ya ki 4 ngut kiwa khayi bhang ha Mawrynkneng.
Ini da jia i heipor kamwa 6:15 i miet heiwa ki pulit hadien wa yoh yutip ki, da booh ki yei thaw pynsangeh kari iwa da leh da ki pulit ka ANTF waki pulit ka Mawryngkneng Police Station.
Ha ini da pynsangeh ya artylli ki kari heiwa napoh da chem ya 124 tylli ki yusong wa em bhang hapoh heiwa kini ki kari toh kawai ka Maruti Ciaz (AS-01-EK-2105) wa kawai ka Swift Dzire (AS-01EL-8415).
Uni u bhang toh uwa khia 120.47 Kg wei ya kini kiwa chah kem da pynngat hapoh ka aiñ NDPS.
Kiwa chah kem toh u:
- Rajkumar Rai- 29 snem
- Jahidul Islam- 31 snem.
- Hiralal Ray- 30 snem.
- Lakshman Kumar Singh- 43 snem.
Uni u bhang toh uwa wanrah na Tripura yow li kit cha Guwahati.
