Hadien wa iwi i Video wa da booh ha Facebook Account u Silgring D Sangma da poor bha i ha ki rynsan Social Media hadooh ha WhatsApp heiwa ha ini i Video da yoo ya ar ngut ki bru kiwa da ya kbai dei ktien Garo kiwa beiñ niam wei kiwa beiñ ya ka ri India deiwa kwah ya ka Pakistan wow leh ko ki kaam pyrchah ya ka India.
Hadien wa da yoo wa ini i Video da man i pyrchah yei yatylli ka ri wei iwa da ktah bha khamtam ha kini ki por.
Neiliang ki bor District ka North Garo Hills da booh FIR ki ha ka 15 tarik uni u bnai ha Bajengdoba Police Station pyrchah ya ki bru wa emkti ha ini i wei da pynngat hapoh ka Section 152/197(1)(d) BNS, 2023.
Hawa pynman yei takit da ki pulit ka North Garo Hills District, da yoh wow kem ya ar ngut ki bru wa emkti ha ini i kaam wa tip kam u Silgring D. Sangma uwa na chnong Chorebolbok wa u Asbath B. Marak na chnong Chambildam kiwa dang haap hapoh ka Bajengdoba Police Station, North Garo Hills.
Ya kini da kem ki ynne ka sngi wei ka takit dang lai ko chakhmat.
Discussion about this post