Jowai: Ha ka 27 tarik uni u bnai katkam wa pyntip ki pulit, u James D Marbaniang, Jailor, District Jail, Shillong da ujor u wa da yoh kem ya i lakhit wa suba drugs na ki le ngut kiwa bru wa wan wow yachem ya uwi u koidi ha kani ka patok.
Kini ki le ngut da poi ki heipor 2:45 i sngi heipor wa wai ya ki bru paidbah wow yachem wa ki koidi heiwa da em le ngut u Saidali Ali, u Kasimuddin wa u Jurdy Ali da chem na ki wa da song ki ha kawi ka kot ya i lakhit rong stem umsoh wa suba toh i drug Heroin deilang wa ki jait baam wa da song ha kawi ka muna Plastic yow e cha u koidi u Haider Ali.
Ki pulit da kem noh ki ya kini ki le ngut.
Discussion about this post