Ki pulit ka Patna, Bihar ynnin da pyntip ki wa da kem ya 4 ngut na ki 10 ngut wa da chah ksoh na ki thaw waphær waphær ka Kolkata heiyatoh wa i tynyap ya u Chandan Mishra ha Paras Hospital, Patna.
Kiwa chah kem kynthup ki ya uwa yahkhmat, u Tauseef wa khut sin u Badshah, u Nishu Khan wa ar ngut kiwi.
Ki pulit da ksoh ki ya kini ki 10 ngut na ki ar tylli ki thaw ha Kolkata kitæ na New Town wa Anandapur ha i miet ka 19 tarik hapoh i yahkhmat ka Special Task Forc (STF) ka Kolkata Police heiwa da kit ya ki pyn ha i miet kani ka sngi.
Ki pulit ka Kolkata da ong ki wa i tynyap ya u Chandan Kumar wa tip leh kam u Chandan Mishra toh i yachoon wa u damok bah (Gang) na Bihar, u Sheroo uwa chah kset ha Purulia District ka West Bengal.
Da suba wa u Sheroo da pyrkhat u wow leh yeini napoh patok ha Purulia heiwa da e nong u ha u Badshah wa ki lok u wow leh yeini i kaam.
Kam wow pynkynmoo wa u Chandan da chah siat yap u ha ICU ka Hospital ha Patna ha ka 17 tarik uni u bnai.
Chwa ini da chah kset u ha Beur Jail ka Patna hadien wa em 24 tylli ki mukotduma pyrchah ya oo ha ki thanat waphær waphær ha Buxar District ka jylla Bihar. Ki pulit da ong ki leh wa u Chandan da chah siat u chi sngi chwa wow mih u na thaw sumaar.
Discussion about this post