Chah kem u dkhot warim ka HNLC na yung

Ki pulit ka Ri-Bhoi District deiwa ya krehlang wa ki pulit ka East Khasi Hills, ha ka miet ka 19 tarik da yoh ki wow kem ya uwi u dkhot wa dadep pyndem ka seiñ Hynniewtrep National Liberation Council (HNLC) hajrong i suba wa emkti u wow yarap ya ka HNLC.

Uni u dkhot warim ka HNLC da tip pyrtuid kam u Sromwell Mawdoh uwa 41 snem i rta, wei da kem ya oo na yung wa sah u wa em ha Umpling Dongsharum kawa dang haap hapoh Rynjah Police Station ha Shillong.

Katkam ka khubor, da khana wa u Sromwell toh uwi u dkhot HNLC wa dadep pyndem wait, tangwa da yarap won u deiwa kreh neibynta ka HNLC wei emkti u hei lai pynlang ya ka poisa wa dawa da ka HNLC.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026

Katkam ka khubor na ki pulit, da khana wa ya u Sromwell da Register Case hajrong i dawa poisa wa da phah da ka HNLC cha kylleiñ kiwa khayi wa kiwa heh spah ha Shillong, wei da kem ya oo yow takit bniah chooh chooh.