Ka Directorate of Revenue Intelligence (DRI), Mumbai da yoh ko wow kem ya uwi uwa kreh kam u Crew Member ka Air India uwa khayi tooh yei ksiar (Gold Biscuit) heipor wa wan u da ka Air India Flight AI-116 na New York ha ka 13 tarik uni u bnai deiwa hiar ha Mumbai Airport.
Ya uni u bru da suba hadien wa em wa da pyntip chwa heiwa nyngkong hawa kynreh ya oo ym em chem iyi iyi tangwa hadien won da chem ya ini i ksiar iwa da murieh u hapoh kawi ka yusong deiwa kdoh Black Tape hajan ka thaw chim ya ki tiar ki tar (Baggage) wei man i leh i ksiar wa da chna na baar ri.
Ini i ksiar toh iwa khia 1.373 Kg wa chongdor Rs. 1.41 klur heiwa uni u bru da phla u wa da wanrah tooh u ya ini wei da leh u yeini da boonsien.
Hadien ini won da yoh wow kem leh sa ya u heh uwa emkti wow pynkhreh yeini waroh deiwa su ya kiwa kreh ha ki lieñsuiñ yow khayi tooh yei ksiar.
Ini ymtoh i sien wa nyngkong wa chah kem kiwa kreh ka Air India heiwa ha u Kmaichonglad (Dec) 2024 da em uwi uwa man kam u Cabin Crew uwa da yarap ya uwi uwa lai luti yow murieh ya 1.75 Kg i ksiar (24-Carat Gold) ha Chennai Aiport.
Ha u Naisan 2024 won kawi ka Air Hostess ka Air India da chah kem ko ha Kannur Airport, Kerala heiwa na ka da chem yei ksiar wa khia 960 grams.
Discussion about this post