Ka seiñ Jaiñtia Body Building & Fitness Association (JBB&FA) kawa man kawi na ki seiñ wa kreh wow pynku ya ki kaam yalehke khamtam wow pynmih doh-ksah, ha kani ka kynti daw pynman ko ya ka yakob pynyoo doh-ksah kawa nyngkong dooh ha Jowai neibynta ka jylla heiwa daw wan chimbynta da ki chynrang wa kynthai.
Ya kani ka yakob da tip kam ka 1st All Meghalaya Amateur Annual Body Building Championship 2021 wei ya kani ka yakob daw pynman da ka JBB&FA chirup wa ka Meghalaya Body Building And Fitness Association wa ka World Fitness Federation India.
Kani ka yakob daw pynman ya ka ha ka 5 Naiynru 2021 ha District Library Auditorium, Mynthong, Jowai.
Ha kani ka 1st All Meghalaya Amateur Annual Body Building Championship 2021 daw bhah ya ka ha ki le bynta kiwa kynthup ya ka Mr. Iron Man Amateur, Men’s Physique wa Women Fitness.
