Chah lute ka wi ka truck wa kit syiñ, chah kem soo ngut

Jowai: Haka 8 tarik uni u bnai katkam wa pyntip ki pulit da yoh ujor na u Min Bahadur Sunar wa ha ka miet kani ka sngi heipor 11:30, soo ngut ki bru wa ym tipmit da yang khap ki ka ka truck u wa kit syiñ kawa em ya u number WB-23-7772 kiwa wan da ka kari Local Taxi ha yingkeiñ Umiam (RB).

Kini ki soo ngut da dat ki ya uwa yah truck wa u manager wei da kdoh ki yei kti yong ki wei da kit ya ki cha sarok Umbir (RB).

Hadien ini da kyrriah ya u syiñ wa em hapoh kani ka truck cha kawi tawon ka kari wei da yut kin a kani ka thaw.

Heiyatoh wa ini ki pulit da kem ki ya soo ngut ki bru u Anistar Syiemiong (25 snem), u Jokius Nongkynrih, u Rebrenshon Ramshon (22 snem) wa u Baskhembor Thangkhiew (22 snem).

Ha kiwi tawon ki kaam tooh, haka 6 tarik uni u bnai u Rekesh M Sangma da ujor u wa da em wa tooh ya ka thuk thuk u wa em ya u number ML-08F-0504 na Hawakhana, Tura (WGH).

Related posts

Chah kem uwa na Punjab wa i drugs wa Rs. 80 klur ha Assam

August 14, 2026

Chah kem ar ngut deilang i drugs wa chongdor ₹5 lak

August 11, 2026

Haka 10 tarik heipor 9:30 i miet da em wa tooh yaka thuk thuk u Rezzal Hussain kawa em ya u number ML-04C-1170 na New Hill, Jowai.

Haka 28-02-19 u Lewanki Pala da ujor u wa da em wa tooh hadooh 16 tylli ki Battery na ki 8 tylli ki truck wa pynyeiñ ha Amjajer-Roko NH-40 kiwa chong dor waroh T. 16 lak.