Chah mai uwa kreh Toll Plaza wa klam u dei ktien Hindi heithaw u klam Kannada

I dawa klam dei ktien Kannada da jooh mih khubor i dei langær nadooh iwa jia ya kiwa yah Auto Rickshaw hadooh i chah tympleh ki pyrtuid dukan wa da thoh dei ktien Hindi ha Karnataka.

Ha kani ka kynti won da mih i Video wa da poor bha heiwa i awri da mih i ha kawi ka Toll Plaza ha ka jylla Karnataka hi.

Ha ini i Video da yoo wa uwa yah kari wa klam dei ktien Kannada da pynbor u ya uwa kreh wow klam dei Kannada heithaw i Hindi heiwa da jubab u deiwa ong wa kani ka Toll Plaza toh ka yong ka sorkar pyrdi kamtæ ymye wow pynbor ya oo wow klam dei Kannada.

Neiliang uwa yah kari da tim u ya uni uwa kreh ka Toll Plaza wei ini yanai toh iwa da neh kattu katni por heiwa da joor bha i ha iwi i por hadooh wa da hiar uwa chong hapoh kari wei uwa kreh leh ym em pynjem u.