Chah pynbaad u SI wa muaid u heipor kreh wei kyntait u ya ka FIR kawi ka kynthai

Ka yung krehkaam u Superintendent of Police ka East Khasi Hills, da thung ko ya ka takit hajrong i pynbaad pyrchah ya uwi u pulit uwa man kam u Sub Inspector, u R. Marwien wa kyntait u wow pdiang ya ka FIR wa da e ynnin ka sngi ha Laban Police Station.

Hei miet ka 9 tarik, kawi ka kynthai da lai ujor ko cha ki pulit ka Laban Police Station deiwa kam wa chah tba kti ko ha uwi uwa yah Taxi heiwa da pynbaad ko wa uni u SI da kyntait u wow pdiang ya kani ka FIR.

Da pynbaad leh wa uni u SI da muaid u heipor wa dang kreh u iwa da yah chei yania wa joor wa kiwa ha-yung ha-sem kani ka kynthai kawa lai ujor.

Ya kani ka ujor da yarap noh da kawi ka pulit kynthai yong ka Women Police Station, kawa da Register ya ka Case katkam ka FIR.

Related posts

Ym em kwah wei ym em dai yei thaw ki Daistong wa em ha Lum Syrman yow tih moochuni ka Shree Cement

May 19, 2026

Dawa ka Elaka Sutnga wow pyndam ya ka Public Hearing ka Shree Cement kawa da kamtre pyrchah aiñ yei thaw ki bru

May 19, 2026

Hajrong ini, ka yung krehkaam u SP da thung ko wut-wut da ka takit wa khlieh da u Sector Officer ka Laban Police Station. Da pyntip leh wa u SP da thung u ya ka takit da ka chnat pulit pyrchah ya uni u SI wei da chah Suspend chwa u chipor.

Ka SP da kyntu u leh ya ki paidbah wow pyntip ki hawa em wa jia kam ini næ deiwa paan yarap deiwa Phone ha u Number 112.