Chah pynchitom u CFO ka KHADC wa baam-tooh u ya ka poisa ka Council kawa T. 34 lak

Shillong: Ka Executive Committee (EC) ka KHADC da pyndam kreh ko chipor ya u Chief Forest Officer (CFO) ka tnat khloo u T. Saibon hadien wa chem ka takit wa emkti u baamtooh ya ka poisa ka Council kawa da kynjoh hadooh T. 34.30 lak.

Ya ini da pyntip da u CEM u Pynshngain N Syiem hawa jubab yeiwa kylli u MDC ka Langrin u Mansturdy Nongrem ynne ka sngi ha ka dorbar mang tyngka ka KHADC.

U CEM da pyntip u wa da em soo ngut kiwa da chah takit hajrong i pynemkaam bakla ya ka poisa ka Council tangwa hadien wa pyndep ya ka takit da chem wa du u CFO wa emkti wei ka EC da pynchitom ko ya oo katkam ka Service Rule ka KHADC.

Hanlada kattæ leh ka EC dang e laad ko ya oo wow jubab u cha ka Council hajrong i chah pynchitom u katkam ka aiñ.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ha iwi tawon i liang, u CEM da ong u wa hadooh katni ka Council ym pu em e syrnot ko cha kiwa sumaar Khasi kiwa da em kamwa 37 ngut kiwa da wan paan ya ka.

Hei sakhiat ka KHADC da mynjur ko ya ka aiñ ka wow tipmit ya kiwa sumaar Khasi ha u snem 2013 wow booh da ka Commission wow puræ bniah wow pait ya kani ka kaam wei hadooh katni dang em ko wa ka Commission kawa khlieh da u EM warim u Banteidor Lyngdoh.

U CEM da pyntip u leh wa ka Council da booh ko ya ka thaw wow thooh bniah namo ka Research Centre ya ki rukom sumaar Khasi ha Lumsohpetbneng ka wow e sikai ya kiwa sumaar dawai kynbat.

Chwa kani, u Teinwel da ong u wa lada ka Council da chna ko ya ki aiñ wow pdiang nadooh 2013 iwa mut wa ym em yumut hi ko wow e yumut neibhah hadooh kattæ leh ympu em wa yoh syrnot wei da ong u leh lada toh wow lai puræ MBBS ki dadep ki wow pyndep ya ka puræ tangwa ka Council ymye ko wow e synrot hadooh katni leh.