15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chah pynkupburom uwa dang 12 snem hadien wa pynlait im u ya ki ar mynsien

Ka Deputy Commissioner, yong ka East Khasi Hills District, Shillong ynnin ka 4 tarik sngi da pynkup burom ko da i naam Jeevan Raksha Padak Award, 2019 ya u Everbloom K Nongrum uwa dang 12 snem i rta na Mawryngkneng, East Khasi Hills District.

Ya ini i naam da e da u President ka ri lyngba ka Ministry of Home Affairs ya ki bru wa leh ya ki kaam wow yada ya kiwi ki mynsien la hei ngam-um, i jia mynsoo wa ympoi pyrkhat, i kop diñ wa kiwi kiwi.

Hajrong wa e ya ka takma da e leh ya ka Certificate wa soi da u Union Home Minister wa ka song poisa wa T.1,00,000.

U Everbloom toh uwa da yarap u ya ki ar ngut ki lok yong oo nei ngam-um iwa da jia ha ka 17 Naiynñiaw 2019 ha Mawryngkneng C & RD Block.

Kini ki lok yong oo kynthup ki ya u Davin Sohtun (9 snem) uwa sah ha Mawryngkneng (Main Road) wei puræ u ha Class 3 ha Radiant Adventist Secondary wei heipor wa yalehke u ha i thaw wa dang chna (Construction Site) ha Mawryngkneng C&RD Block, da ngam u ha iwi i thlu iwa da ieh khlem tymmoh iwa dap um heiwa u David da kbai u wow paan yarap na kiwi tawon ki bru heiwa u Everbloom uwa dang 10 snem ha itu i por u khon ka Banrikerlin Nongrum na Mawryngkneng Main Road wei puræ u ha Class VI ha  Mawryngkneng Higher Secondary School da lai u cha ini i thaw wei da hiar u ha ini i thlu wow pynlait ya uni u khynnah.

Ha ka 23 Naiynñiaw nawon yong 2019 ha ini i jooh i thaw u Wanphai Rani uwa dang 8 snem u khon ka Rihunlang Rani na Mawryngkneng (Main Road) uwa puræ Class 3 ha Radiant Adventist Secondary School Mawryngkneng heipor wa laike u wa ki lok yong oo da liat u ha ini i jooh i thlu wei ha kani ka kynti leh u Everbloom da kynthiar u ha ini i thlu wow pynlait ya i mynsien uni uwi u khynnah.

Ynnin ka sngi wa pynkupburom ya u Everbloom da em ka bei u pa yong oo deilang wa u Sordar ka Mawryngkneng heiwa ka Deputy Commissioner da ekhublei ko ya oo (Everbloom) wei wow pteiñ u ya kam kini ki kaam wa bha wa da leh u.

Share this:
Previous

Ym em booh por ka sorkar wow pyntip yeiwa chem nei takit wa lait ka la’ærbih Uranium

Next

Ka dorbar man ko ka laad ya ka sorkar wow pynche ya waroh iwa pynbaad, ong u Conrad