Chah pynuiñ kiwa wa mut wow psiah cha Meghalaya na Ratacherra

Ka KSU-EJHDU ynne ka sngi hei emlang ki dkhot ka KSU Narpuh Circle da hiar ki wut-wut cha Ratacherra Infiltration Check Gate wow paitsiar yei psiah i mih ki baar jylla. 

Ini i hiar ynne ka sngi toh hadien wa da yoo lyngba ki khubor wa ka sorkar Assam da kynreh ko naphang ya ki phetwiar kiwa da wan chong chnong pyrchah ya ka aiñ ha waroh ki District ka Assam.

Ka seiñ da ong ko wa ini daw ktah i nyngkong ya ka jylla Meghalaya neibhah wa yabi ko wa ka Assam heiwa kini kiwa chah kynreh da hap yut ki chawi wow rieh wei daw kyruiñ khmat bha ki cha Ri-loom Khasi wa Jaiñtia neibhah wym em wa khoom wa ksoh ya ki deiwa yoh u lai u wan katwa ngait. 

Kamtæ da ong wa ka Ri-loom Khasi wa Jaiñtia em ko hei maa wa khroo nei wan chong chnong kini ki bru.

Related posts

Chah tooh ka muna wa em ka poisa Rs.1 lak, i ksiar wa ki kot ki sla wa emkaam | Kyntu ka tre wow pynyuiñ

July 6, 2026

25 sngi chi bnai toh u yoh baam ki khynnah wa ki manbei wa dang kha khon tangwa ha East Jaiñtia tang chisien chi bnai leh ym em yoh: JNC

July 6, 2026

Ka seiñ da pyntip ko wa da yoh ko wow pynuiñ ya ki kattu katni ki wym em biang ki kot ki sla wei da tyrwa leh yei ya krehlang wa ki pulit wow leh yeini i kaam.

Chooh chooh ka KSU da sñiawkhia ko leh wa ka sorkar jylla wa sorkar pyrdi ym mano ki wow pynkrehkaam ya ka Inner Line Permit (ILP) hawa katni da chem chitom nei wan buhai chnong kini ki bru wei neiliang ka seiñ da kular ko wym chong-ngiah ko wow yada wei wow pynchngaaiñ ya ka jaitbru.