Chah thang ka Office ka BJP hei yakhih dawa jylla wei dawa 6th Schedule ha Ladakh

I yakhih paidbah ha ka thaaiñ Leh ka Ladakh Union Territory ynne dapoi ki chei chah kawang moo ka Office ka BJP wei i yatyngkhooh ki paidbah wa ki pulit.

Da chah thang leh kawi ka kari pulit hadien wa kani ka yakhih da nang joor ko ha kini ki tayaaw wa da lai.

Kani ka yakhih da pynman da ka Youth Wing ka Leh Apex Body (LAB) yow e yei kyrchaan yeiwa yakhih u Sonam Wangchuk uwa da chah thngan kattæ la kamwa 14 sngi yow dawa jylla ya ka Ladakh heithaw ka Union Territory kamjooh leh yow yoh man kam ka thaw wa em hapoh ka Sixth Schedule.

Ha kani ka yakhih ynne da chah thang leh ka Office ka BJP.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Hachwa ini ha ka 20 tarik, ka Ministry of Home Affairs (MHA) da pynbna ko wa da khut yalang ya kiwa yakhmat ka Ladakh yow pynman ha ka 6 tarik u bnai wow wan.

Kiwa chong chnong da ong ki wa ka Ladakh nachwa toh kawa em i suk i saaiñ tangwa nadooh wa pyrchang ka sorkar wow pynman ya ka kam ka Union Territory da wanrah ko yei wym hun wei i yakhih paidbah yow dawa jylla wa ka Sixth Schedule.