Chem ki ar seiñ wa pynemkaam bakla ya ka scheme paikhana ha Mihmyntdu

Jowai : Ki artylli ki seiñbhalang wa kynthup ya ka Meghalaya People United Front (MPUF) wa ka Khasi Jaiñtia National Union (KJNU) hadien wa da yoh ki chiboon ki ujor na ki paidbah wym biang i krehkaam ka scheme TSC næ ka scheme paikhana ha ka chnong yong ki, neiliang yong ki da thooh yutip ki lyngba ka RTI.

Ha ini i thooh tre ki ar seiñ da chem wa da kreh khaler ya kani ka scheme ha ka chnong Mihmyntdu neibhah ka jubab wa da yoh na ka RTI da chem wa boon kiwa toh u yoh myntoi na ka lyngba ka ophis ka Public Health Engineer (PHE) ym em u yoh myntoi ki.

Da chem wa boon hi mih du i pyrtuid yong ki tangwa khlem yoh yei myntoi wa toh u yoh ki wei da yoh myntoi da kiwi kiwa chim kabu kiwa da pynemkaam bakla yei pyrtuid yong ki.

Hadien ini ki ar seiñ da pynsñiaw yei mynsien wa khia wei da dawa ki leh ya kiwa pynkreh ya kini ki scheme wow pynuiñ ya ka poisa cha kiwa toh u yoh myntoi wei lada ym leh ki yeini daw pynchitom ya ki katkam ka aiñ.