Heiyatoh wa i chah tooh ka synduk nar namo ka Safe ka KJP Assembly Book Room Jowai ha ka 23 tarik uni u bnai, ynnin ka 29 tarik won da chem ya kani ka Safe na uwi u dooid um wa em hajan ka Thomas Jones Synod College.
Ya kani ka Safe da em wa yoo da ki bru paidbah kiwa da pyntip cha ki pulit heiwa da li kit ya ka cha Jowai Police Station deiwa taan ka kari Recovey Van.
Kani ka Safe toh kawa da sih malu mala tangwa ym em ye kiwa tooh u wai ka.
Ya ki soo ngut kiwa emkti da booddien wei da suba chwa ki pulit ki nadooh ka sngi wa nyngkong wei ynne ka 30 tarik hadien wa da pyntikna yei thaw sah ki neidaw wa kini ki bru toh kiwa thiah wa dem chibet cheiwi chibet cheiwi, da lai kem ya ki 3 ngut na Mynthong, Jowai katwa uwi won da kem na Lad Rymbai.
Kini da phla ki wa da psiah ki chapoh ka KJP Synod Book Room na ka dwar dien wei da rah ki ya kani ka Safe tangwa da noh ki ka hadien wa chem ki toh kawa eh bha u wai hadien wa da pyrchang ki katwa pyrchang leh.
Kiwa chah kem man ki kamni ha wah:
1) U Donborlang Manih (32 snem), uwa na Paham Syiem, Nongpoh, Ri Bhoi District.
2) U Eddy Dkhar (40 snem), uwa na Mawkawah, Nongstoin, West Khasi Hills.
3) U Emlang Lakhar (37 snem), uwa na Nartiang, West Jaiñtia Hills
4) U Marwi Lyngdoh (28 snem) uwa na Wahsanphaw, Sohkymphor, East Jaiñtia Hills.
Puræ leh: Chah tooh ka Safe wa khia 2 Ton na KJP Assembly Book Room Jowai
