Ka khynnah kynthai kawa da wiar nadooh ka 1 tarik uni u bnai da chem yei metyap ko ha ka 4 tarik uni u bnai da ki pulit ka South Garo Hills.
Kani ka khynnah toh kawa dang lai puræ Class-X wei ym em poi yung ko nadooh ka 1 tarik hadien wa lai thoh ko ya ka Class-X Selection Exam wei lai skur ko ha Dalu, West Garo Hills.
Yei metyap ko da chem hajan i chnong wa tip kam i Dimapara wa em ha South Garo Hills heiwa da suba toh kawa chah slaitbor wei chah tynyap won ko tangwa da yang wow pyntikna yeini hadien wa pyndep ya ka Post Mortem.
Ki pulit ka Dalu da pyntip ki wa kani ka khynnah toh kawa dang 17 snem wei ym em poi yung ko iwa em ha Chandapara hadien wa lai thoh Exam ko.
Yei metyap da em wa yoo nyngkong ha i thaw wa tip kam i Dangsa Adu, Dimapara.
Kammon poi kani ka khynnah kawa wiar na Dalu cha Dimapara toh iwa dang takit da ki pulit deiwa suba wa ye u emkti boon ngut ki bru.
