Chi rta phah kset ka yung bichaar ya kiwa tynyap bru nadooh u snem 1991

Heiyatoh waka FIR wa da e nadooh ka 16-11-1991 ha u In-charge ka Ummulong Beat House da u Kaia Muruh uwa chi payu wa uwa khlaad noh utæ u Sada Muruh heiwa da pynbaad wa 5 ngut ki bru kitæ u Tngen Muruh, u Lowit Muruh, u She Muruh, u Tne Muruh wa u Kamai Muruh kiwa na ka chnong Lumkhudung toh kiwa emkti wow tynyap ya u Sada Muruh haka 16-11-1991 ha chnong Lumkhudung.

Kamtæ ya ka takit da pynman da ka Jowai Police Station kawa em Case No.166 (9)1991 wei da pynngat hapoh ki kyndon 302/34 ka IPC.

Ya kani ka kaam da takit da u SI Q.E. Pala wei hadien wa pynman ya ka takit da Charge Sheet ya waroh kini ki 5 ngut hapoh ki kyndon 302/34 ka IPC. Tangwa u SI Q.E. Pala da khlaad noh u haka 11-06-2022.

Na kini kiwa chah pynbaad leh da khlaad noh u Kamai Muruh wa u Lowit Muruh ha kini ki por wa chah bichaar ki. Tangwa ka bichaar da lai ko chakhmat pyrchah ya u Tngen Muruh, u She Muruh wa u Tne Muruh.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Kamtæ haka 04-08-2023 ka yung bichaar u Sessions Judge, West Jaiñtia Hills, District Jowai hapoh ka Sessions Case No.99 u 2015 deiwa pait ya ki sabut da chim ya ka rai pynrem ya u Tngen Muruh, u She Muruh wa u Tne Muruh wei da pynngat ya ki hapoh ka kyndon pynyap bru katæ ka Section 302 ka IPC.

Ya kini ki 3 ngut da phah kset chi rta.