Ka Bataw Biodiversity Management Committee (BMC), East Jaiñtia Hills District da yoh ko u mihkhmat ya ka jylla Meghalaya lyngba u P. Bakshi, IAS uwa Man u Chairman ka Biodiversity Board yong ka sorkar Meghalaya uwa da phah cha u Kunal Bharat, Forest & Biodiversity Advisor, Indo-German Biodiversity Programme hapoh i yahkhmat u waheh chnong uwa man leh u Chairman ka BMC yong ka chnong Bataw, u Deihok Sumer ryngkat wa u dkhot ka Committee, u Waster Sympli.
Kini da yoh ki wow lai ya chimbynta ha Kolkata, West Bengal deilang wa u Kenneth Pala Senior Adviser, GIZ uwa pait ya ka thaaiñ chaneiñ mihsngi yong ka ri India.
Ya kani ka e hikai da pynman da ka Ministry of Environment Forest & Climate Change (MoEF&CC) deiwa ya krehlang wa ka Deutsche Gesellschaft fur Internationale Zuzammenarbeit (GIZ) GmbH kamjooh wa ka Wetlands International South Asia (WISA) neibynta ki 11 tylli ki jylla waphær waphær yong ka ri India kiwa kynthup ya ka Odisha, West Bengal, Jharkhand, Sikkim, Assam, Arunachal Pradesh, Meghalaya, Manipur, Mizoram, Nagaland wa ka Tripura.
Ya kani ka Workshop da pynman ha ka 8 wa 9 tarik uni u bnai ha The LaLit Great Eastern Kolkata, hajrong ka phang “Management Effectiveness Tracking Tool (MEET) for Indian Wetlands.
I thmu yong kani ka Workshop toh u e hikai wa kammon u pynneh pynsah ya ki thaw kam ki nan wa ki wah dooid wei ha kani ka Workshop da wan ya chimbynta da u Debal Ray, IFS Principal Secretary and PCCF (HoFF) yong ka sorkar West Bengal wa kiwi de ki heh sorkar najrong ki heh ka GIZ wa kiwi kiwi de ki Scientist deilang kiwa pynlai ya ki Ramsar Site ha ki jylla waphær waphær yong ka ri India.
Kani ka Workshop da man ko kawa rah myntoi ha kiwa boon ki liang wow pynneh pynsah ya ka spah rymaw kam ki nan wa ki wah dooid deiwa ya krehlang wa ki bor sorkar, da pyntip u Deihok Sumer.
Discussion about this post