Chimkhia ka sorkar yei dawa booh FCI Depot ha East Jaiñtia Hills

Uwa chong chnong ka Khliehmyntriang, EJH u Lektor Dkhar uwa man leh kam u bru wa krehmon sñiawbha da pynsñiaw u yei sñiawngooh ya ka sorkar Meghalaya wa da chimkhia ko yeiwa kyrpaad wow booh ya ka FCI Depot ha East Jaiñtia Hills District.

Ha ka 27-05-25, u Lektor da yachem u wa u Montri ka chnat Food Civil Supplies & Consumer Affairs, u Comingone Ymbon yow dawa booh FCI Depot hapoh ka District wei neiliang ka Director kani ka chnat ha ka ar tarik uni u bnai da thoh ko cha u General Manager ka Food Corporation of India Regional Office wa em ha Meghalaya deiwa phah ya kani ka chithi u Lektor yow dawa booh FCI Depot.

Ka East East Jaiñtia Hills hadooh kattæ ym pu em FCI Depot ko wei ini da booh ko hei eh yow pynpoi marbaam wei ini da pynman ko wow pynslem u poi ki mar wei ktah ko hadooh wow saam khoo rachon (PDS), da ong u Lektor.

Da ong u leh wa deiwa em ka Depot hapoh ka District daw pyntikna wym thut i poi ki marbaam cha ki chnong ki thaw, daw pynmih ko leh ka laad kamai deiwa kit wa bah ya ki mar wei daw pynkhlan ko leh ya ka PDS.

Related posts

Da kem sa uwi heiyatoh wa i yap u bru seiñ

January 13, 2026

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Chooh chooh ong u wa lada em i jia wa sñiawsih i wym poi pyrkhat daw pynsuk ko neibhah da em ki marbaam pyn hapoh ka District.

Kamtæ da yooluti u wa ka sorkar u chimkhia ko yeini wa daw ye leh u wanrah ya kani ka Depot kamwa da dawa khlem da pynslem.