Chirrup wa kiwa sikai College ka ri chimbynta ka MCTA hei yakhih wa jai jai wow dawa yei hok yong ki

Shillong: Kam chibynta wow krehlang wa i yakhih ka All India Federation of University and College Teachers’ Organisation (AIFUCTO) hapoh ka ri, ka Meghalaya College Teachers’ Association (MCTA) leh da pynman ki ya ka “Black Day Protest” ynne ka sngi.

Kam chibynta kani ka “Black Day Protest” waroh kiwa sikai College kiwa em hapoh ka MCTA da deiñ that rong yong ki wei da pynman ki ya ki yalang ha jar jiar ki College i wym em ktah yei man Class ha kini ki thaw puræ.

Da chim leh ya ka rai wow krehlang kamjooh wow kyrchaan yei yakhih ka AIFUCTO ha ki sngi wa ki bnai wa daw wan.

Kani ka yakhih man ko kam chibynta wow dawa wow pynkrehkaam noh ya ka 7^th UGC Pay Review Committee wa kiwi de ki dawa ka seiñ kiwa dang sahteiñ wa ka sorkar pyrdi.

Ka AIFUCTO da dep thoh ko leh cha u Montri Rangbahdooh ka ri wow chimkhia u ya ini wei kamjooh leh da paan yei yakrehlang ka MCTA wow yaklam ki wa ka sorkar pyrdi neibynta i bha i miat kiwa sikai.