15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ki kaam tyngkheiñ aiñ ha kylleiñ ka jylla

0 Comments
Advertisement ad1
Advertisement ad1
Advertisement ad1

Shillong: Katkam ka yutip wada yoh na ki pulit da ong wa kawi ka manbei da ujor ko wa ha ka 16 tarik heipor i 2:40 i step u kurim ko, uwa da tip kam u Aphasuddin (36 snem) da ah da dung u ka da ka tari ha yung yong ka ha Pyrkan, Shella (EKH) hadooh wa da mynsoo ko.

U Prakash Chettri da ujor u wa ha ka 18 tarik uni u bnai heipor 9:30 i miet, u Tinku Marak wa u Sunmoon Marak chirup wa ki lok ki da dat da bom ki oo ha SB/CID Complex, Bishnupur, Shillong.

Advertisement ad1

Ha ka 19 tarik heipor 8:15 kawi ka truck wa em u No. ML-05H-9358 da tyrrah ko ya kawi tawon ka truck wym tip number ha Umjok Byrnihat (RB). Ha ini i jia uwa yah da mynsoo u malum malæ.

Ha ka jooh ka sngi ka Drias Nongsiej da ujor ko wada wiar le tylli ki ATM Card wa ka PAN Card yong ka hapyrdi ka Motphran wa Lumshyiap, Golf Links, Shillong. Wei ha ka 20 tarik da em wa sai tooh T. 28,000 na ka account yong ka.

Ha i janmiet ka 21 tarik da em ki damok kiwa psiah yabor cha i yung ka Naini Lamin ha Lumbasuk, Nongthymmai, Shillong wei da tooh ki ya kawi ka laptop, artylli ki kum LPG, wa kiwi kiwi.

Ha kajooh ka sngi heipor 10 waje i miet da chem ya iwi i metyap uwi u bru u wym tipmit wa thiah yaplær ha Lad Smit (EKH) wei hadien ini da pynkit ya oo cha Civil Hospital Shillong.

 

Share this:
Previous

Chirrup wa kiwa sikai College ka ri chimbynta ka MCTA hei yakhih wa jai jai wow dawa yei hok yong ki

Next

Yoh jamin 9 ngut ki dkhot ka KSU wa chah kem heipor yakhih luti rel