Khliehriat: Ka Khliehriat Block Congress Committee haka 5 tarik uni u bnai da chna ko yaka Sohkymphor Congress Unit wei ya ini i pynskem wei pynmih Unit da pynman haka yung Club Madan Pohiaw, Sohkymphor.
Ha kani ka sngi hawa sdang yaka yalang da yoh yaki kyntien pdiang cha kani ka yalang na u waheh chnong ka Sohkymphor Poh Mission u Kmen Lapasam wei da ekti ya i kaam cha u President yong ka Khliehriat Block Congress Committee u Deibormi Syad wow pynlai ya ka yalang.
Ya ki kyntien tbian chaphang ka Party wa i krehkaam yong ka Party da yoh na u Working President ka Block u Piwell Shylla wei leh na u Wiles Langstang uwa chong chnong ka Sohkymphor.
Da pynlai ya i ied kitkaam da u Working President ka Block u Thynda Sana. Da yoh leh yei klam sneiñ kyntu ya kiwa kitkaam wa thymme ka Party da u President ka East Jaiñtia Hills District Congress Committee uwa man leh u MLA ka 5 Sutnga-Saipung Constituency u Shitlang Pale.
Ha kani ka sngi da emlang u Pheinlan Siangshai (Vice President ka Block), u Gerald Phawa (Secretary ka Block) deilang wa kiwi ki dkhot yong ka Party.
Kiwa kitkaam man ki kamni ha wah:-
- President: U Chielang Lyngdoh
- Vice President: U Jngai Lyngdoh
- General Secretary: U Iaidmon Bareh
- Asst. Secretary: U Because Palong
- Organising Secretary: U Nicare Lyngdoh
- Publicity Secretary: U Arwan Lyngdoh
- Treasurer: U Kalbot Lyngdoh, deilang wa 25 ngut ki Executive Member.
