Chah thok ka wi ha uwa na Assam deiwa khayi tooh ya u mooyong

Katkam wa pyntip ki pulit, ka wi ka bru kawa na chnong Jalyiah da ujor ko wa haka 06-02-2020 da soi soskular ko wa uwi u bru wa tip kam u Abdul Ahad Choudhury uwa na Sutarkandi, Karimganj, Assam yow ya khih mooyong lang ki.

Related posts

Tooh kawi ka bru yei sahchkoor ksiar ka khynnah wa dang 3 snem

June 24, 2026

Chah kem ka kynthai wa u chynrang heipor wa dang kylliang kti yei drugs ha Shillong

June 23, 2026

Hadien wa da ya soi soskular ki, da e ko yaki i GST Login yong ka cha u Abdul Ahad Choudhury yow leh yaki e-Way Bills yow chalan mooyong katkam ka aiñ. Tangwa hadien da chem ko wa u Abdul Ahad Choudhury da pynmih u da ki spah tylli ki e-Way Bills daka GST yong ka yow kit mooyong pyrchah yaka aiñ na Meghalaya cha Barak Valley, Assam deilang wa ki bru yong oo.

Da pyntip leh wa u Abdul Ahad Choudhury da chna u leh yaka soskular thok haka 18-10-20 heiwa ya kawa ujor da booh kam ka First Party katwa ya u Abdul Ahad Choudhury, u Lachit Borah wa u Palash Rajkhowa da booh kam ki Second Party khlem da tip kawa ujor.