Shillong: U Montri Rangbah ka jylla u Conrad K Sangma da pynsñiaw u yei sñiaw chngaaiñ wa ka Citizenship Amendment Bill 2016 ym em mankaam ko hadien wa kiwa boon ki seiñ saiñ pyrthai ki da e ki yei kyrchaan wow pyrchah bait ya kani ha Rajya Sabha.
Hawa yaklam wa kiwa pathai khubor hadien wa wan uiñ u na Delhi, u Conrad da ong u, “Hanlada ym yoh i wow yachem wa u montri rangbahdooh ka ri u Narendra Modi neidaw wa boon kaam u cha kiwi ki bynta wa lai u, tangwa kam kiwa yahkhmat na kani ka thaaiñ mihsngi ka ri India da yachem wa u montri ka kaam pohyung ka ri, u Rajnath Singh uwa da kular wow khut yaklam ya kiwa yahkhmat ki seiñ saiñ pyrthai wa ki montri rangbah ki jylla ka thaaiñ mihsngi wow yaklam ya ini.”
Katkam i ong u Conrad, u Rajnath Singh da pyntikna u wa ka sorkar pyrdi daw burom ko ya i sñiaw ki paidbah ka thaaiñ mihsngi hajrong kani ka bynta.
“I da yachem i ya kiwa yahkhamt ki seiñ saiñ pyrthai waphær waphær wa kyrchaan lang ya ka sorkar National Democratic Alliance (NDA) wa kynthup ya ka Shiv Sena, Akalidal, TMC, SP, BJD, BSP wa kiwi da pynsñiaw ki yei pyrchah ya ka CAB,” da ong u Conrad.
U Conrad da pynsñiaw u wa sñiaw chngaaiñ u wa ki seiñ saiñ pyrthai kiwa emlang ha ka sorkar NDA leh pyrchah ki ya kani ka Citizenship Amendment Bill, 2016.
Discussion about this post