Dang bichaar ka Law Department ya ki aiñ wa phah ka KHADC: Prestone Tynsong

Shillong: U symbood montri rangbah ka jylla, u Prestone Tynsong da pyntip u wa i daw wa sahkut ki Bill wa da mynjur da ka KHADC toh neidaw wa u lat ka jylla da phah u ya kini ki Bill cha ka sorkar wow puræ bniah wei wow e yumut hajrong yong ki lada emkaam.

U Prestone da ong u ya ini hawa jubab ya i daw wa pynsah ka sorkar ya ki le tylli ki Bill wa da mynjur kyrpang da ka KHADC wa kynthup ya ka Khasi Hills Autonomous District (Khasi Social Custom of Lineage) Amendment Bill, 2018, ka Clan Bill wa ka KHAD (Inner Line as adapted from the Bengal Eastern Frontier Regulation 1873) Regulation Bill, 2018.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da pyntip u wa ka KHADC da phah ko ya kini ki Bill cha u Lat ka jylla, u Tathagata Roy wow paan yei mynjur, tangwa neiliang u lat uwa em ya i bor wow pynuiñ næ phah pynbait ya ki Bill da phah u leh ya kini ki Bill cha ka sorkar jylla wow paan yumut (View) wei wow bichaar bniah.

U Prestone da pyntip u wa katni kini ki Bill ka KHADC dang em ki hapoh ka Law Department kawa dang bichaar ya ki.