U Symbood Montri Rangbah ka jylla, u Prestone Tynsong da ong u wa ka sorkar da ieh ko hei stat ki bor District heiyatoh wa i pyllait noh ya ka sarok lyngba ka Them Metor kawa da khang kattu la 4 snem tam.
I khang ya kani ka sarok toh nadooh wa mih i yakhih ha u Naisan 2018 iwa man leh i daw wa khynnia ha kiwi ki sarok kiwa em ha kani ka thaaiñ, wei ini da wanrah i yei eh i khor heiyatoh wa i lai i wan iwa pynman ya kiwa boon wow sñiawkhia ki khamtam wow pyllait noh ya kani ka sarok.
Hawa yaklam ynne ka sngi, u Prestone da ong u wa i pyllait noh ya ka sarok toh i kaam ki bor District wa kynthup ya ka Deputy Commissioner wa u Superintendent of Police, deiwa pynrap leh wa lada ki bor District sñiaw man chngaaiñ ki næ lada sñiaw ki wa ympu biang, itæ chong i ha i stat yong ki.
