Chong hei samen lada kwah u pynyabi ya ka EPIC wa u Aadhaar: Meghalaya CEO

U Chief Electoral Officer (CEO) ka Meghalaya, u Dr. BDR Tiwari, da pynche u wa chong ha i kwah ki bru samen lada wow pynyabi ya ka Electoral Photo Identity Card (EPIC) wa u Aadhaar.

Yeini da ong u Dr. Tiwari hadien wa em ki Scheme sorkar pyrdi kiwa emkaam wow pynyabi wa u Aadhaar khlem pep, tangwa da ong u wa chong ha i rai samen lada kwah wow pynyabi ya u Aadhaar wa ka Voter ID.

Da pyntip u leh wa ka chnat Election da tipmit ko ya ki 524 ngut ki bru samen hapoh ka jylla kiwa ksoh palat ya kawi ka EPIC wei da leh yeiwa emkaam heiyatoh wa kini.

U Dr. Tiwari da kdaw u leh wa ka Election Commission of India (ECI) katni dang pynkhreh ko ya ka Unified Digital Interface wow pynlaibait ya ka Election, kiwa kreh Election, ki seiñ namo ki Party wa ki seiñbhalang.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026

Ka rynsan wa thymme wa tip kam ka ECINET daw pynkrehkaam ya ka deiwa em ko hapoh ki 40 tylli ki Mobile App wa ki Website. Daw em ko ka User Interface (UI) wa ka User Experience (UX) wow pynsuk ya ki kaam wa yatoh wa ka Election.

U Dr. Tiwari da ong u leh wa ka ECINET daw pynsuk ko ya ki bru kamjooh leh ya i pynkrehkaam ya ka Election ha ka ri.