Jowai: Ka Dorbar Chnong ka Chnong Mukhla Nongrim ynne ka sngi da pynman ko ya ka Chaad Sukra yong ki kawa wan wai da u Wailadmiki Lyngdoh kam u kongsan uwa man leh u tre chnong wei man u leh kam uwi na ki kyrtong wow yakhun MLA na ka 2 Jowai Assembly.
Ya ka yalang da pyllai da u Teng Sari u Chairman ka Dorbar Chnong Mukhla Nongrim wei da yoh leh yei ktien snieñ na u Stanbyme Sari, u Artist Lyngdoh, u Wanbha Lyngdoh wa na u Waheh Chnong Mukhla Suna wei ya i ktien e khublei da yoh na ka Natal Sana.
Ha kani ka Chaad Sukra da wan sakhi da ki hajar ngut ki paidbah wa na jan wa na jngai yow sakhi ya ka chaad tynre na ki khynnah ki khynroo khyllood wa ki manbei.
Discussion about this post